القائمة الرئيسية

الصفحات

الحمل العنقودي او الرحى العدارية (hydatiform mole /molar pregnancy)


الحمل العنقودي هوي عبارة عن حالة تتطور فيه الارومة الغاذية trophoblast (يلي رح تعطي المشياء) بشكل غير طبيعي هذا التشكل سببه الرئيسي هو التلقيح غير الطبيعي بين النطاف والبويضات.

يتضمن المرض نوعان حسب نمط التلقيح الشاذ:
1. نوع كلي (يلي الاكثر انتشار)

2. نوع جزئي(يلي هوي الاخطر)

بداية خلينا نحكي عن النوع الجزئي :

بهذا النوع البويضة بتكون صبغياتها طبيعية (x23) لكن بيتم تلقيحها من نطفتين فبتكون الصيغة الصبغية 3n=69 هالشي رح يأدي لموت اغلب الانسجة الجنينية بس بيضل شوية انسجة وبالضافة لهالشي الرحم اصغر من السن المقدر للحمل

اما النوع الثاني يلي هوي الكلي :
هون بتكون البويضة ما فيها صبغيات نهائيا💔 وعنا حالتين هون الاولى ان تلقحها نطفة وحدة وبعدين يصير في تضاعف صبغي والثانية انو تلقحها نطفتين
وبالحالتين الاولى والثانية بيكون عنا غياب لايا نسيج جنيني بالاضافة لزيادة احتمال الاصابة بالسرطان المشيمائي choriocarcinoma 😦😥💔(رح نحكي عنو بعد شوي) بالاضافة انو الرحم اكبر من السن المقدرة وبتزداد ليونتو والوحام بيكون زايد

طبعا نحنا فينا نفرق بين هالنوعين بالتشربح المرضي

هلق الحمل العنقودي بشكل عام الو ثلاثية للتشخيص بتضمن :
# سريريا :رؤية الحويصلات عن طريق المهبل
#شعاعيا : العاصفة الثلجية +غياب دقات قلب الجنين
#مخبريا : ارتفاع HCG >10 الف ميلي وحدة دولية /مل(رح اشرح عن هالانزيم شوي تحت😪)

ال snowstorm او العاصفة الثلجية هيي ظاهرة بتبين اثناء فحص الرحم باليكو على شكل دوائر سود متفرقة والو اسم ثاني هوي مظهر شدف الثلج (رح حط صورو تحت)
اعراض هالمرض بتكون واضحة فبتتراوح بين غياب الدورة الطمثية وعلامات الحمل وحجم البطن يلي بيكون اكبر من العمر الجملي غالبا وغيرها
بالإضافة للنزف واللي هوي اول واهم عرض لازم نعرفو لانو المريضة غالبا بتراجع العيادة بشكوى نزف متكرر بالفترة الاولى من الحمل وهذا النزف اذا ما توقف ممكن يؤدي لفقر دم وحدوث صدمة 💔😥
وهون لازم ناكد انو النزف بيكون غير مترافق مع الم (لو كان مترافق مع الم منتوجه نحو الحمل الهاجر)


بالنسبة لهرمون الHCG: بما انو الارومة الغاذية رح تتطور وتعطي المشيماء وهالمشيماء رح تفرز هرمون HCG (هذا الهرمون هوي يلي بيفحصو جهاز كشف الحمل يلي بينباع بالصيدليات ) فرح يطلع عنا اختبار جمل ايجابي
بالاضافة لهالشي هذا الهرمون كثير بيشبه الهرمون المنبه للدرق TSH فازديادو رح يزيد نشاط ارق ويلي رح يأدي لمجموعة من الاعراض ابسطها الارتعاش
طيب شو منشان العلاج؟😍❤️💉😷👨‍⚕
العلاج بيتضمن مجموعة اجراءات واولها هوي التجريف بالممص ولو اسم ثاني هوي تقنية Dilation and curettage(يعني بدنا نشيل الطبقة المبطنة للرحم ) وهون لازم نعمل تسريب للاوكسيتوسين قبلها حتى ما ينثقب الرحم
بعدين ممكن (اغلب الاحيان) نلجأ للعلاج الكيميائي في حال وجود خباثة (يعني سرطان المشيماء او رحى غازية)
وطبعا نحنا ممكن نعمل استئصال للرحم للمريضة يلي ما عاد بدها ولاد او صارت فوق الاربعين خوفا من الخباثة(هون ما بنكتفي بالعلاج بل يجب وحطولي تحت يجب خطين حمر
يجب متابعة المريضة عن طريق معايرة HCG لمدة سنتين ولازم نمنع الحمل بالمانعات الفموية حصرا حصرا حصرا مو باللولب)
ومن علامات التحسن❤️🏥 انو بيرجع مستوى ال HCG لقيمتو الطبيعية بعد حوالي شهرين ل تلاث شهور من الافراغ وبيرجع الطمث بشكل طبيعي


وبالحديث عن السرطان المشيمائي هوي ببساطة نسيج ارومة غاذية خبيث 😷 مكون من قسم خلوي وغير خلوي (بس ما فيها زغابات بهذي الحالة)
والها حالتين
١. الحالة الاولى بتكون مع النوع الكامل من الحمل العنقودي وبتتميز هالحالة باستجابتها الممتازة للعلاج الكيميائي💉💪🏻
٢.الحالة الثانية الها اسباب غير الحمل العنقودي وممكن تنشأ من سرطان الخلايا المنتشة germ cell cancer وبيكون استجابتها للعلاج الكيميائي ضعيفة جدا وهيي الاخطر😞😔💔

هل اعجبك الموضوع :
شارك الموضوع و أرسله لمن تحب!

البحث:

Flag Counter
التنقل السريع في المقال