القائمة الرئيسية

الصفحات

الصداع النصفي - الشقيقة Migraine

الصداع النصفي - الشقيقة Migraine
#الطب_بين_يديك ~ "الصداع النصفي (#الشقيقة)"

مافي حدا منا ما بينضغط
سواءً شغل..دراسة، ومامنلاقي غير فجأة راسنا بلش يضرب علينا ..😪😞
هالشي علميا منسميه الصداع"Headache"

واليوم رح نتعرف على نوع مشهور كتير ومنتشر من الصداع يلي هو الصداع النصفي او الشقيقة 😁"Migraine"
🔰-الصداع النصفي هو نوع خاص من الصداع المنتشر بين الناس بكل سن من الطفولة و حتى الشيخوخة مرورا بالمراهقين و البالغين من الرجال و النساء، ومع أنو الصداع النصفي مو هالحالة الخطيرة يلي بتهدد حياة إنسان بس هو مشكلة متكررة بميزها الألم القوي والغير محمول يلي بصيب كتير من الناس هالشي عطا هالمرض أهمية طبية خاصة.

🔰-وهالمرض مالو سبب طبي واضح لهلق..بس يلي منعرفو عنو لهلق انو هو:💁🏻‍♂
بالمرتبة الاولى هو مزيج وراثي بيئي .. فتلتين الحالات عندون حدا او اكتر من عيلتهن مصاب بالشقيقة..🤔
-أما العلماء فسروه بإنو بصير نتيجة انقباض و
ارتخاء بجدران الأوردة في أحد جهتي المخ..واستثارة القشرة المخية ، وهالشي بوصل المريض لمرحلة كتير كبيرة من الألم النابض في أحد جانبي الرأس ، و بزيد عند عمل أي مجهود.😮
-وغالبا برافق الألم شعور غثيان وتقيؤ بنسبة 90% من الحالات🤮
🔰-أما اكتر شي بميز هالمرض هو التشوش البصري يلي بصير عند المريض و ظهور نقاط و ضوء أمام العين هالشي بخلّي العين حساسة بشدة لأي إضاءة💔🙄..فمنلاحظ انو اغلب المرضى بيختارو غرفة هادية ومظلمة لما تجيهن هالنوبة. 🤷🏻‍♂
🔰-طيب ممكن يكون في عوامل معينة تساعد على حدوث هالحالة؟!🤔
اي اكييد..مع مسيرة العلم الطويلة مع هالمرض بيّن انو في عوامل بتساعد عحدوث الصداع النصفي منها:
1-الشابات يلي بيتعاطو أقراص منع الحمل هالشي بمثّل عامل مهم لحدوث الصداع النصفي.
2-حالات القلق الشديدة و حالات الإضطرابات النفسية.
3- التعرض للإضاءة الشديدة لفترات طويلة.
4- التعرض لجو قارس البرودة.🥶
5-فترة ما قبل واحيانا ما بعد نزول الدورة الشهرية لدى النساء.
6-وطبعا أكيد الإجهاد والجوع والتعب الهن دور كبير بالصداع عموما وهالنوع خصوصاً.
🔰-ومتل مامنعرف انو بهيك امراض الوقاية أهم من العلاج.. فلازم المريض:


1- يبعد عن بعض الاطعمة متل الشوكولا، المكسرات والكحول..🍺
2-الراحة،و تخفيف المجهود.
3- عدم النوم لفترات أطول من اللازم.😴
4- الابتعاد عن الجو البارد قدر الامكان لهيك مننصح المرضى انو يلبسو بالشتا طاقية أو اي غطا للرأس لتأمين الدفا اللازم .
وطبعا حاليا صار في ادوية كتير بتساعد عتخفيف الألم ببعض الحالات منن الديكلوفيناك
وايبوبروفين .

وبيني وبينكن ومن فترة بينت دراسة انو العلاج بالابر الصينية حقق نجاح ملفت لمتل هالحالات المرضية.🤷🏻‍♂
ياسيدي منقول انشالله والله يعافي الجميع. 😌😌

جميع الحقوق محفوظة لـ : Med-foryou - الطب بين يديك
هل اعجبك الموضوع :
شارك الموضوع و أرسله لمن تحب!

البحث:

Flag Counter
التنقل السريع في المقال