ريجيم ديتوكس، طريقة اعداد ريجيم الديتوكس - مشروبات ديتوكس لانقاص الوزن و لجمالية البشرة !

الديتوكس 😍 و فوائده الرائعة عالجسم🔥... اليوم و بعد طلب منكن رح نحكيلكن على طريقة إعداده:


بالبداية الديتوكس هو منقوع الفواكه أو الخضروات أو الأعشاب ..
و اهم الشي فيكن تستبدلوه عن العصائر الصناعية و المشروبات الغازية المليئة بالسعرات الحرارية و الملونات و المواد الحافظة 💔.
طريقته سهلة و بسيطة ❤️
الطريقة الاولى : منقطع المكونات الي حابين نكهتها و منضيف الهن كمية كافية (في حال كان بدنا ياه مشروب صيفي مُنعش 😍) و منتركه بالبراد لمدة ساعة إلى 12 ساعة ( فينا بهالمدة انه نشرب من ميته وونرجع نضيف مي من جديدة لانه المكونات بكون لسا فيها مواد بتحسن تعطينا منها ) ،
أو منضيف للمكونات كمية وافية من الماء الساخن بحالة الشتوية 😌🥶.
الطريقة التانية : للمستجلين 😅
هو انه منخلط المكونات الي عاجبتنا عالخلاط و نضفلهن كمية من المي و منشربهن فوراً بدون نقع .
#ملحوظة : الخلط بخلي النكهة تطلع من المكونات بشكل أسرع 🤷‍♀️.


و هون رح ضفلكن أشيع المكونات الي بتستخدم لإعداد الديتوكس 🔥❤️:
1. ليمون + نعنع "بولو"💚
2. اليمون و الزنجبيل " خصيصاً للتنحيف و إزالة الدهون "
3. التفاح + النعنع
4. برتقال + ليمون " بحر فيتامين C 😂 "
5. ليمون + خيار
6. توت + برتقال
ختاماً صحة و هنا 😍😂


إعداد: حلا شهاب
فريق: الطب بين يديك 
😎 المصدر : 
https://www.healthline.com/nutrition/detox-water-101#section2