القائمة الرئيسية

الصفحات

اسباب و علاج الارق - قلة او عدم القدرة على النوم

الارق


بداية خلونا نتفق انو النوم سلطان 👑ولهالسبب كلنا منقول نيال اللي أول ما يحط راسه عالمخدة بكون غفي أما المعتر اللي بيبقى ساعات لينام💔😴😴 فحديثنا اليوم عنه...#الطب_بين_يديك~  الأرق insomnia




⭕ الأرق #Insomnia 💤💤

عبارة عن اضطراب شائع جداً .. لدينا صعوبة ببدء النوم أو المحافظة عليه وبمعنى آخر الحرمان من النوم الصحي المريح 💔 أو حتى ممكن الشخص يفيق بكير كتير وما يقدر يرجع ينام 😅
وشي طبيعي هالاضطراب أنو رح يأثر على الشخص صحياً و اجتماعياً ومهنياً 👎👎👎

طيب ليش x من الناس قادر ينام فوراً أما y "المعتر بقصتنا" ما قادر؟ خلونا نتعرف على أسباب الأرق

اسباب الارق:

 #نفسية : متل #الاكتئاب ، #التوتر ، #حادث صادم أو #قلق
 #عادات_النوم_السيئة : متل القيلولة اللي بدل ما تكون 10 دقائق بتصير ساعتين 😂 او البيئة غير الملائمة للنوم متل الأضواء والأصوات القوية..
 #تناول_الطعام_ليلا : أكيد ما في مشكلة بوجبة خفيفة قبل النوم بس الغلط  انو ناكل وجبة دسمة حتى ما يصير ارتجاع و حرقة مزعجة.
 #الأدوية 💊 : متل #مضادات_الاكتئاب او أدوية #الربو متل #التيوفيللين وحتى أدوية الضغط متل #المدرات ممكن تعمل أرق !
 #المنبهات : متل القهوة  والشاي 🍵 والكحول 🍷
 #أسباب_مرضية :
1_ آلام مزمنة
2_ السكري
3_ السرطان
4_ فرط نشاط الغدة الدرقية
5_ الزهايمر



اعراض الارق:

1_ التعب أثناء النهار والشعور بالنعاس 😴💤
2_ القلق والاكتئاب والتوتر 😡
3_ صعوبة التركيز على المهام والانتباه 😩😩
4_ الأخطاء أو الحوادث المتكررة 🚫

 السؤال اللي بيتبادر لذهن كل شخص عم يعاني من الأرق يا ترى في داعي روح عند الدكتور؟
 الجواب تحت  تابع معنا عزيزي القارئ

علاج الارق: 

غالباً مشكلتك رح تنحل لما تتبع هالنصائح 👌
✔ نظم ساعتك البيولوجية ؛ بمعنى حاول انك تنام وتفيق كل يوم بنفس الوقت 👌.
✔ مارس الرياضة المنتظمة.
✔ أمن بيئة نوم مريحة ❌بعيدة عن الأصوات الصاخبة والأضواء المزعجة.
✔على اعتبار كلنا منحب الناس الرايقة ❤ خليك رواق على طول و❌❌ بعد عن التوتر والقلق.
⚠ تجنب القيلولة الطويلة
⚠ تجنب الأكل أو الشرب في وقت متأخر
⚠ تجنب شرب المشروبات اللي بتحتوي كافئيين ليلا
⭕ في حال اتبعت كل هالنصائح و بقيت معاناتك وبلشت تحس انو الأرق عم يأثر على نمط حياتك 💔 ف هون أكيد لازم تراجع الدكتور.
💡من الشائع حدوث الأرق عند الحوامل و النساء في سن الإياس بسبب الاضطرابات الهرمونية.
💡 تزداد احتمالية الأرق مع تقدم العمر كون النشاط البدني بيقل و احتمال الإصابة بالأمراض بترتفع بالتالي بيزداد احتمال تناول أدوية معينة.
ختاماً بتمنى كون قدمت فائدة ولو صغيرة عن مشكلة معظمنا منعاني منها .. انتظرونا بفقرات قادمة بتحمل فوائد اكتر واكتر 👌❤
ودمتم سالمين ❤
هل اعجبك الموضوع :
شارك الموضوع و أرسله لمن تحب!

البحث:

Flag Counter
التنقل السريع في المقال